پاکستان کے سب سے بڑے ذیابیطس کے ادارے دی ڈائیبیٹیز سینٹر (ٹی ڈی سی) کے زیر اہتمام فیصل مسجد اسلام آباد میں بروز جمعہ فری میڈیکل کیمپ کا انعقاد کیا گیا جس کا افتتاح فیصل مسجد کے انتظامی مہتمم اور سی ڈی اے کے ڈپٹی ڈائریکٹر جناب محمد طاہر نے کیا۔

ٹی ڈی سی کی جانب سے کیمپ میں مختلف سروسز مفت فراہم کی گئیں جس میں ذیابیطس سے متعلق مختلف ٹیسٹ مفت سر انجام دئے گئے جب کہ ذیابیطس کے ماہر معالج اور غذائی ماہرین مسلسل عوام کی رہنمائی میں مصروف کار رہے۔
فیصل مسجد آنے والے سیاحوں اور نمازیوں نے ٹی ڈی سی کے اقدامات کو سراہا اور پاکستان کی سب سے بڑی ذیابیطس چیرٹی کو ہر ممکن تعاون کی یقین دہانی کروائی۔
ٹی ڈی سی کا فلاحی ہسپتال اسلام آباد کے قریب بارہ کہو میں واقع ہے جہاں ایک ہی چھت کے نیچے ذیابطیس اور اس سے متعلق تمام بیماریوں کا علاج مستحقین کے لئے مفت کیا جاتا ہے

مزید آگاہی اور معلومات کے لئے 051-111-111-832 پر رابطہ کیا جاسکتا ہے۔